Sinfin qruplara bölünməsi üsullarından biri

          Psixohəndəsə testləri  şəxsiyyəti öyrənmək üçün tərtib olunmuş metodikadır. Bu metodikann müəllifi Amerika (ABŞ) psixoloqu Syuzen Delligerdir. Metodika 1989-cu ildə çap olunmuşdu və onun diaqnostika dəqiqliyi 85%-ə çatır.

         Metodikanın əsasında 4 həndəsi fiqur durur və psixoloq insanları xarakterinin xüsusiyyətlərinə görə 4 qrupa bolür:  “kvadrat”-zəhmətkeş,  “üçbucaq”-lider,  “dairə”-əlaqə yaradan,  “ziqzaq”-yaradıcı.

     Bu üsul vasitəsi ilə şagirdlərin qrup şəklində işləməsini təşkil etmək müvəffəqiyyətlə həyata keçirilə bilər. Uşaqları psixoloji tipə əsasən qruplaşdırmaq olar. Bunun üçün şagirdlərə bu 4 fiqurdan  bəyəndikləri hər hansı birini seçmək təklif olunur. Sonra hər psixoloji tipdən bir-bir götürməklə qruplar yaratmaq olar. Beləliklə, 

hər qrup müxtəlif psixoloji tipdən təşkil olunur. Müntəzəm olaraq, qrupun tərkibi dəyişdirilməlidir  (tip müxtəlifliyini saxlamaq şərti ilə). Belə qruplarda işləyərkən şagirdlər özlərini həm şəxsiyyət kimi, həm də komandanın bir üzvü kimi hiss edir, qrup daxilində müzakirələr edərək bir nəticəyə gəlməyi öyrənirlər.

         Tiplərə bölünmənin sonunda müəllim mütləq bunun mənasını və məqsədini tələbələrə anlatmalıdır.   

 Müəllim aşağıdakı suallarla  çagirdlərə müraciət edə bilər:

—Çox yaxşı tanıdıınız bu fiqurların adlarını və əsas xassələrini söyləyə bilərsinizmi?

—Bu fiqurlara baxın və onlardan  eləsini seçin ki, onun haqqında “bu mənəm”  deyə biləsiniz. Əgər bu seçimdə çətinlik çəkirsinizzsə, onda sizin diqqətinizi cəlb edən bəyəndiyiniz, xoşunuza gələn fiquru seçin, dəftər vərəqinə köçürün və üstünə adınızı yazın.

—Deyə bilərsinizmi, nə üçün məhz bu fiquru seçmisiniz? Nəyə görə bu fiqur xoşunuza gəlir?

—Gəlin bir eksperiment aparaq. Bu eksperiment Amerikalı psixoloq Syuzen Delligerdirin yaratdığı metodika əsasında hazırlanıb. Seçdiyiniz fiqur sizin subyektiv formanızdır, sizin xarakterinizin və davranışınızın  əsas xüsusiyyətlərini təyin etməyə imkan verir.

     Sonra müəllim  hər hansı bir fiqurun adını çəkmədən onun psixoloji portretini oxuyur:

      1) Kvadrat-zəhmətkeş, dözümlü,qayda-qanuna riayət etməyi xoşlayan,

ehtiyatlı,riskə getməyi sevməyən,qənaətcil .

     2) Üçbucaq- lider olmaq üçün dünyaya gəldiyini sanan,qarşısına aydın

məqsəd qoyan və adətən bu məqsədinə çatan, özünə inanan, cürətli .

    3) Dairə -mehriban, hamı ilə xoş münasibət qurmaq istəyən,

sülhsüvər, yumşaq xassiyyətli, konfliktsiz, bir qədər passiv .

    4) Ziqzaq-yaradıcı, intuisiyası güclü,qeyri-adi düşüncə tərzinə malik .

   Müəllim şagirdləri hər fiqurdan bir nəfər olmaqla qruplara bölür. Yəni bir qrupda həm “kvadrat”, həm “üçbucaq”, həm “dairə”, həm də ziqzaq olmalıdır.    Beləliklə, 5-6 qrup yaratmaq olar. Hər qrupda kapitan seçilir (bu, “üçbucaq” ola bilər). Bundan sonra müəllim qruplara tapşırıqlar verir.Verilən tapşırıqları bir qrup daxilində həll etmək lazımdır.